流心芒果椰汁榚 (唔成功, 賽後檢討)

今次唔POST個食譜出黎啦~~因為唔係成功果隻~~~~係呢度檢視下個失敗原因~~~先~~~~:P:P

呢幾個係不良成品, 其實仲有~~~~:P:P 原因是脫模時時中間分開左兩截, 要自己啃番晒~~~~~:P:P

睇下個過程先~~~~先切好D芒菓 跟住攪茸佢~~~睇番網上資料要加小小檸檬汁和糖, 我就物都無加~~~  :P:P

攪個小小茸又要 洗多部機~~~~~ >_<"

如果唔調下味, 只係用呢D做流心, 原來真係唔夠味的和~~~

開定D椰汁糖水...........

好立, 再伴勻D 魚膠片呀, 椰汁糖水呀 仲有打起左的淡忌廉  就跟住入模~~~

入了一半, 依家覺得太多了~~~~應該大約3分之一 合適D,  厚得滯好似無物流心食到咁~~~~ >_<"  雪到佢個面硬哽地, 就加流心~~~

呢邊是將頭先打好的芒果茸, 入冰格雪硬佢, 之後切方丁~~~~

都係因為D芒果方丁 雪得唔夠硬, 擺出黎一陣就已經溶溶地~~~~ 下次都係早一晚雪佢, 比夠時間雪硬D~~~~ 仲有呢, 應該再放多D, 咁先夠流多D心~~~~~

跟住再封頂~~~ 

夜晚試食~~~ 呢舊好實淨呀~~~~~ 實淨原來咁易脫模的和~~~~

 睇下, 係咪好似冰皮月餅呀~~~~唉~~~ 原來封頂時要先入冰格固定一下個面的, 我就放得太耐, 成舊冰左, 攪到佢入便都仲未溶~~~成粒蛋黃咁~~ 美人話硬左D, 同埋入便粒芒果唔夠甜~~~~  ~_~

好立呢個係林住試味, (原來用D 膠杯 脫模, 係好易架~~~~~)  呢個好D~~~ 呢個只係入冰格一陣就放回下層, 所以就軟好多~~~倒出黎個樣都好靚仔~~~~

仲有小小流心添~~~~ 應該要放多D多D芒菓茸~~~咁先有爆出黎的效果~~~

唔知點解, 果榚中間好明顥有條痕, 睇得出係分兩次整~~~ 要再上網搵下原因先~~~

其他都痾左出黎了~~~ :P:P  見唔見到, 真係分左兩截, 可能D芒菓方丁 溶左小小, 攪到D椰汁樣痴唔住~~~

好似冰皮月餅咁~~~~ HAHA~~~~~