第7日: 陣屋朝市->新穗高纜車->名古屋->Nagoya Ekimae Montblanc Hotel – Nagoya

2013年9月4日
又天陰陰~~~等我去完睇纜車先好落呀~~~

今朝一早起身, 要去纜車之餘, 仲要去埋陣屋朝巿~~~

果時好似得6點幾炸~~~~好彩美人都肯陪我起身去行朝巿~~~

呢度規模仲要細過宮川朝市~~~一眼睇晒~~~

哇~~~好健康呀~~~點解, 7點左右, 有音樂播放, 佢地一齊做早操呀~~~做完先做生意~~~

美人又跟住做~~~~

好靚呀~~~紅卜卜~~~

又是要成箱買, 我地向第二檔買左兩個散既~~~真的很香甜~~~

呢度都是賣D農產品多~~~

好得意D矮瓜, 名副其實是一個矮瓜~~~ 哈哈~~~

好快就行完LU~~~~

呢度日抖要比$入~~~~我地無行過~~~

就是呢度買左兩個食~~

見仲有時間, 念念不忘果D宮川D牛奶, 點知~~咁早是未開既~~~

好啦, 搵間舖食早餐啦~~~~

叫左兩個早餐~~~ 550X2

見唔見到呀~~~完全無肉架~~~ HAHA~~鬼咩, 昨天果餐牛肉, 食到滯左啦~~~ HAHA~~

好難得見到咁藍的天~~~

食完早餐之後, 就回酒店CHECK OUT~~~再寄存行李, 跟住行去搭巴士到新穗高睇雙層纜車~~

高山市有豐田租車的和, 所以黎高山市自駕遊, 都好方便交車和取車~~

還未夠鐘上車, 過對面便利店逛下, 依!   前面果D咩黎架?:P 雙眼發晒光~~~即刻買一盒飲先~~~唔~~~~都是宮川朝巿果盒最好飲~~~~

無聊車站拍~~~

車站其實都唔多野食~~賣~~~得呢D~~

坐了大約1個鐘左右, 就到左啦~~~

落車處, 都是回程上車處

先要搭一程單層普通的纜車先~~~果度叫鍋平

先去換票先~~~

記得要因番D時間上落和~~~

坐第一架纜車....

好快大約坐15分鐘左右~~~落車, 跟住就搭雙層纜車立~~~^_^

好得意呀~~~

其實坐樓上和樓下, 睇的風景, 是無唔同架~~~坐樓上都唔覺是樓上既, 因為纜車往處上, 坐邊度都睇到由高處望下面的啦~~~~HAHA~~~傻瓜!!我仲話要一定坐樓上添~~~ HAHAHA~~

到了展望台~~~陰天呀~~~仲好大風, 好凍呀~~~~

好彩無落雨~~~ 太多雲了~~~無物風景睇~~~ >_<

唔得啦, 實在太凍~~和大風, 不如落番去樓下, 食D野, 補充一下先啦~~~ HEE HEE~~~

又是牛肉串~~~ HAHAH~~~又話唔食~~~~最後一日和, 食啦~~~

食完D小食~~~又上番去展望台, 光番D和~~~影多兩張添~~~

丫~~~~食埋個午餐先~~~~

跟住去樓下買D手信添~~咁就走人LU~~~

唔係麻~~~我走佢先咁好天既~~~~ >_<

回程時, 我地已經預好時間, 雙層->單層->巴士回高山, 就向雙層->單層時, 因為好大風, 架纜車中途停駛, 等D風細番D先再行, 吊向半空, ,架車又有小小郁郁咁, 好驚呀~~~

又因為咁, 我地就趕唔切搭單層落番地面, 趕唔到預算時間搭巴士回高山巿, 要向鍋平坐多一個鐘, 等巴士~~因為我地下午訂左票回名古屋, 所以D時間要掌握得準D~~好彩我地都預早左落山, 搭遲左一班巴士都仲趕得切~~~~

所以如果時間緊迫的話, 一定要預鬆D時間落山呀~~

美人行得幾急, 因為想趕搭到單層回地面 接巴士~~

無行LU~~巴士已經走左了~~~

等緊巴士時, 向巴士站附近行下啦~~~

又食下野啦~~~$300+270

好啦, 巴士黎啦~~~番高山市了~~~

回到高山巿, 大約3點, 回名古屋是搭4點, 要番酒店取行李, 當時落緊好大雨, 美人的同事想搭買羽毛球拍, 呢度有段小插曲既, 話說每日回酒店時, 咁岩經過一間體育舖, 又咁岩有羽毛球拍賣和, 第一日已經睇岩左, 回酒店用WIFI同佢同事溝通左, 話買啦~~~林住第二日幫同事買啦, 點知間舖休息和!!

所以第三日即是最後一日向高山巿要幫佢同事買啦, 如果唔係佢同事就會好失望的啦~~~

得一個鐘, 要來回車站和買球拍, 又落大雨果下衰麻, 我去取行李, 他去買球拍啦~~~

有驚無險, 都上到巴士回名古屋~~~HA~~~

唉~~~本來由高山巿->名古屋, 只需坐2個小時多, 由於落好大雨, 差不多回名古屋時, 好塞車, 塞到成個車程用了5個小時有多~~~~>_<~~~

好彩架車有次所~~~炸~~~

好彩有D野食下~~~~~

我地落車時都已經晚上九點幾, 名古屋車站好多人呀~~~~好似濟留左咁, 我部電話又時不時收到緊急訊息, 咩咩水災, 徹離...物物咁~~~都好担心, 唔知發生咩時~~~路面D舖頭都堆起了沙包, 防止水浸入屋~~咁

又好彩, 個緊急訊息, 好快又收到物物解除~~~~

放底行李之後, 又回到車站食晚餐~~~~

間間都好多人呀~~~~求其揀一間啦~~~

兩個烏冬$1580

最後打包左呢合名物回酒店食~~~

睇下, 成9點10點幾, 都幾多人~~

排晒長龍買車票~~~

Nagoya Ekimae Montblanc Hotel – Nagoya 今晚住酒店

地下鉄東山線2號出口或桜通り口徒歩2分到達

我好懷念金澤住果間Dormy Inn

好一般姐~~~~$420