第4日: 石川縣觀光物產館->兼六園->香林坊->酒店->FORUS

2013年9月1日

酒店的早餐真係好豐富呀~~~

呢個夾餅好正~~~

出發啦, 天氣唔好呀~~~~希望今天落晒雨, 明天到白川鄉好好天啦~~~~

 又買左1日PASS, 林住去兼六園, 因為已經落好大雨, 又得一把細傘, 轉左去石川縣觀光物產館, 做下手功先~~~~~~避下雨先啦~~~

果度樓下是賣手信, 上樓是手功體驗, 有和菓子呀, 做印呀, 還有面呢D做, 考慮呢D都係油下顏色, 所以都是唔揀佢啦~~~
丫, 仲有呢度都有餐廳架, 玩到餓, 可以即刻醫肚~~

我地揀左整印~~~是玻璃質地~~~~@$1800, 整三個

 先選擇款式~~~

姐姐, 現在幫我地度緊位....

用呢D機去磨個印~~~

當時得我地兩個, 做的過程大約1小時, 做做下又多兩個女生~~~

姐姐先用電腦界左個貼紙出黎, 我地就用鉗小小心心咁除左D 窿位~~

要好小心咁挑, 咁個印就磨得靚D的啦~~~ 

就是整比佢左三個小朋友~~~

我已經磨好一個, 美人繼續磨第三個~~

 其實是用好強力的風, 去吹走無貼紙的地方, 所以要好平均來來回回拿著條喉, 去吹舊印~~~
吹好就, 搣走貼紙~~~

姐姐會幫我地執番好個尾架~~~整好啦~~~~~

呢個印是玻璃構造, 可以印完一個色, 用水噴一噴, 抹一抹, 又印另一個色, 好好架~~~

做完個天都仲未落完, 仲睇黎有排落添~~~唉~~~ 都是要買多把傘好了~~~~

呢間觀光物產館門口有巴士站停正向度, 好方便架~~~ 而佢的對面就是兼六園, 行過對面就又可以遊覽了~~~

行啦, 落雨都去啦, 兼六園和, 贏得日本三大名園, 好名的和~~~

入場費@$300

唉~~~落雨真係無咩好睇~~~

D雨時大時細~~~~

行到去霞池, 停左雨和, 這個石燈是指定影相位~~~向呢度影左一輪相, 又落番雨啦~~~

天氣唔好, 遊人好少~~~

我地行左一陣, 呢度好大, 行極都差不多風景, 落緊雨, 好多水氹, 對鞋已經濕晒啦~~~ 

跟住就又行過去21世紀博物館~~~休下息, 和重點避下雨啦~~~

又好似無物野睇, 想睇下個果泳池, 落雨是唔開的, 咁算啦~~~抖下, 雨細D, 咁就離開左了~~~

我地流連在不用購票的範圍~~~因為都無咩興趣入去睇~~~

原來今日是星期日, 所有巴士都是$100一次, 平時要$200, 今日我地舌左啦~~~所以要狂搭5次先可以回本關係, 我地又搭番去片町站附近~~~搵下野食~~

去左呢間餃子食午餐~~~

呢餐好抵$820 都幾好味~~~

跟住行下商場, 見到呢個炸鍋好正呀$5250炸~~~好想買, 但係電壓唔岩, 買唔到了~~~ 嗚~~~嗚~~~

行完都仲是好早, 又過對面搭巴士去香林坊

哇~~~呢度仲靜, 星期日和~~~好多舖都無開, 感覺好蕭條咁~~~ 又是行左一陣~~~就走LU~~~

有藍色天啦~~~~

距離6點巴士休息仲有時間和, 又見到藍色天, 不如又搭番巴士去21世紀博物館附近影相啦, 果度有片綠色地好靚呀~~~

金澤市唔大, 又唔怕塞車, 好快就到的啦~~~

影完雙人相, 咁就番酒店浸溫泉啦~~~

 

上網人地教, 如果想出街繼續叉電, 就可以呢種方法, 著住電源~~~ HEE~~

丫~~~食番昨天買的烏骨雞旦糕和布甸先~~~ 好香雞旦味~~~唔錯~~

唔知是米時間好早~~~溫泉度好似得1個人, 她後來仲走埋, 得我一個, 咁我趁機會影下個環境~~~啦~~

 桑拿房

露天温泉, 向呢度浸好正呀~~~

室內浸的~~~

吹頭的地方~~~

LOCKER

影完我再自己浸下, 但因為得我一個, 太靜啦~~~雖然有音樂, 有DD驚, 好快就走LU~~~

入去浸要按PASSWORD先入到, 每天可以向RECEPTION取

浸完出黎可以坐呢度休息一下~~

洗衣房就在休息室隔離~~~

呢酒店設備都唔錯~~~早餐又抵食~~(我已經唔記得左幾$一位啦~~~:P)

呢度就是一日PASS

好立, 浸完又過對面FORUS食晚餐~~~

食壽司~~~

好正呀~~~~好新鮮~~~海膽好正呀~~~隻蝦又大隻又彈牙~~

再ENCORE

金澤名物, 有D洋蔥, 有D蝦仔, 都幾好食~~

正!!!

正!!!

有扇送~~~都用唔著啦~~落雨天一D都唔熱~~

食左$5,282 好飽呀~~~

就是呢間~~

我地向街行左一陣, 條街都好靜, 未夠10點, 好多都收了舖, 街上又少人~~~

抖左一陣, 酒店9:00後有免費喬麥麵食, 正和~~~

過去拿個號碼牌, 然後等叫號碼~~~ 都好多人等食架~~~

飽住都要試下~~~免費黎講, 都唔孤寒, 又好味~~~ 

食飽就上去執野, 明天出發白川鄉和去高山了~~~