香蕉朱古力粒鬆餅 和 香蕉提子粒鬆餅

哇~~~~ 成個月無UPDATE個BLOG了~~~~ 鬼死咁多野做~~~~ >_<放左工都唔想郁~~~~唔得, 要整下野relax下先~~~~~:P:P

呢個唔同以前的方法做架~~~ 食落都好好味和~~~而且呢個份量岩晒我地, 整左5個, 一個試味~~~唔多唔少~~~你地都試下啦~~~

材料就有咁多, 牛油, 香蕉, 入爐朱古力粒, 糖粉, 雞蛋一隻, 分開蛋白和蛋黃, 低粉+發粉~~~~

D牛油先整溶佢先, 我用解凍的FUNCTION 叮溶佢.....

因為D香蕉, 唔係好夠熟, 見到話可以叮熟佢, 等佢香D, 又試下啦~~~ 都係用解凍個制.....結果都是差不多~~JET

呢邊記得篩粉和.....呢度發粉+低粉混合左的啦~~~

蛋白打起佢待用....

牛油和糖粉打成奶白色....

加蛋黃....

再加香蕉蓉.....

粉分兩次落....

最 後加番D蛋白混合..... 混合完之後, 分一半就落朱古力粒混合, 一半落提子乾混合...

呢個份量可以做5個小蛋糕.....

預熱光波爐 140度....

先焗20分鐘, 140度...焗完試下用牙簽吉入 如果無野痴著, 咁表示熟左的啦~~~~~~ 20分鐘之後, 再加多2分鐘140度, 見唔係好夠色, 用了180度, 焗了1分鐘....

見佢唔係好發起,都好擔心, 入面好實, 但食落又唔怕和~~~ 味道仲幾好味添~~~~~ YEAH~~~~~~
呢個是朱古力粒黎架~~~~

呢度有提子和朱古力, 睇唔睇到邊個打邊個呀?~~~^_^ 唔係好夠色添~~~:P:P 算啦, 入得口都已經好安慰~~~:P:P

份量:

牛油   60g
糖粉   35g
低粉   80g
發粉   8g
香蕉   80g
雞蛋   1隻