預早一日醃下D豬扒~~~
一面用刀背拍佢, 另一面就用刀拍鬆佢...
用刀背拍鬆佢...
跟住就用薑汁, 胡椒粉, 糖, 鹽 , 酒 醃下佢, 最後加隻雞旦, 咁做話會第日食鬆化好多~~~試下先~~~
第二日, 即今日煲一碗飯, 加小D水和落兩滴油, 等D飯炒起時易D散~~~
切好晒材料之後, 就爆蒜茸, 洋蔥 起鑊....
跟住落蕃茄粒....
再落茄膏...
加小小面粉...
跟住加小小上湯, 我就只加水, 搞到D面粉溶晒為止, 不過~~我就攪唔勻, 應該用水開好落好D~~~唉~~~
加住再加淡忌廉, 加調味, 鹽, 糖, 胡椒粉~~~ 試味果時, 覺得D味好濃, 我又加多D水, 最後果味都係麻麻地~~好似唔係幾夠香~~~唔通我無加西芹和磨菇落去就會咁既?!
呢度用左一個細蕃茄, 半個洋蔥, 幾片紅蘿蔔
好立, 跟住炒飯, 用蒜頭, 洋蔥起鑊~~~~
跟住落飯, 炒呀炒呀.............點解咁耐都唔一粒粒既?~~~~ *_*
唉~~炒左好耐, 唔理啦, 落蛋炒啦~~~依, 唔知點解, 落完旦就會分開晒一粒粒的和~~~ YEAH~~~呢個飯我無落調味呀~~因為我覺得D汁好濃, 想將D飯中和番~~~:P:P
跟住盛起佢先~~~....
又洗鑊, 之後開爐炸豬扒~~~~~做呢個送, 都要不停洗鑊, 開鑊, 如果屋企有三個爐, 三個鑊, 應該方便好多~~~~:P:P
D豬扒, 用生粉浸一浸D雞旦,浸生粉, 浸雞蛋再浸麵包槺~~~跟炸~~~~左佢!!:P:P 原來好快就熟, 用筷子篤一篤, 唔痴就得的啦~~~ :P:P
跟住用光波爐個架朗一朗佢先~~~再用廚房紙印一印佢~~~
凍左小小之後, 就剪開佢, 舖係個飯面上...
再淋汁~~~
今晚食果時先焗番熱佢~~~ 150度 15分鐘~~~~ 好唔好食, 晏D再POST 都好緊張下~~:P:P
焗左之後就變成咁, 美人話D豬扒味岩岩好, 肉質好好, 唔怕鞋~~但係D飯太硬, 可能我炒得太乾身, 仲有D紅蘿蔔要再淥林D~~~係咁多, 其實都好食架~~~~:P:P
非常茶餐廳式，正呀！
回覆刪除