椰汁年糕

尋晚的起心肝, 再睇多西醫, 仲打埋針, 個病終於有氣息, 今日見精神番d, 搵d野攪作下先......

未整過椰汁糕喎, 又試下先~~~~~~

糯米糕, 澄粉, 牛奶, 椰汁, 砂糖....

煲熱d牛奶, 再煮溶d砂糖...

溶左後, 熄火加椰汁....

呢邊就篩粉....記得糯米粉混合左澄粉先~~~

跟住叫醒個打蛋器....

逐小逐小咁架椰奶糖水......

混合至滑身, 唔見晒d粒粒....加少少油...

呢個模今日專登買架, $11.5, 個模要用油搽勻先倒入糯米粉....

水滾後轉細火, 蒸1小時...

仲有2個小杯等住入煲....

1個鐘之後...

雪左一晚, 個模都好難脫,好辛苦之下先甩到, 我蒸之前都搽左油係個模度的啦~~唔知係咪用矽膠果d模易甩d的呢~~?有無人教下我點先易d甩模呀?

煙煙忍忍咁, 可以落少d糖, 同埋呢, 蒸果時最好用保鮮包住佢, 以免d倒寒水滴落個面度, 咁就靚仔好多立~~



份量:

糯米粉  200g

澄粉      50g

椰汁     130g

砂糖     125g

奶         200g

油        少量