瑞士汁雞翼 + 雞蛋

雞翼都好入味~~~ 雞蛋就麻麻地入, 應該浸一晚就會夠晒味~~~ 下次再試下先~~~

材料 就係咁多: 李錦記香草瑞士汁 $16 薑$1.5 蔥$1 雞翼 磅幾 $26 有17隻 雞蛋@$1

D雞蛋記得洗淨個殼~~~ 因為好污槽架~~~^_^

洗乾淨D蔥 跟手打個結 薑就切成一片片....

雞翼解凍洗淨 跟手剪左有皮突出黎果邊~~~ 唔使咁肥麻~~~~

落薑蔥 滾起水....

落雞翼 辟走D雪味~~~~ 大約飛水至5分鐘, 用小火, 見到個水面有D白色野浮起, 就可以熄火...

準備冰水...

咁樣差不多.....呢度都要5分鐘左右....

即落雞翼.... 凍到佢入面都凍埋咁就得的啦~~~大約15分鐘左右...

雞蛋之前淥好, 灘凍左就整碎個殼.....

呢碗唔係中藥, 是可樂~~~~準備一碗..... .. 其實係當糖咁用~~~~

一樽 瑞士汁 + 水 1:1 份量, 再加一碗可樂, 試味, 唔夠甜和, 再加多了一粒冰糖+ 半碗可樂~~~~

較好味道 就加雞蛋 浸下佢先~~~

之後就落雞翼...

煲到佢大火, 轉小火, 再滾10分鐘左右, 上網睇到話 要開蓋滾呢10分鐘, 咁D雞翼就唔會鞋~~~~ 我又開又冚咁啦~~~~ :P:P
之後熄火, 焗佢20分鐘~~~ 咁就得啦~~~~

D雞翼唔係幾夠滑, 下次滾小D時間, 就焗佢耐D先~~~~